منتدى متقن زيان عاشور

أهلا بك مع منتدى متقن زيان عاشور
أخي أختي أرجو الدخول إن كنت عضوا أو التسجيل مع جزيل الشكر

من أجل طلاب العلم


    اه يا الجزاير يا شعب المسكين

    شاطر
    avatar
    PuNk
    عضو مميز
    عضو مميز

    عدد المساهمات : 96
    تاريخ التسجيل : 14/08/2010

    اه يا الجزاير يا شعب المسكين

    مُساهمة من طرف PuNk في الأربعاء أكتوبر 13, 2010 1:04 am


    منقول من كوورة جزائرية aLaDiNeDz
    السلام عليكم و رحمة الله و بركاته ، بسمـ الله الرحمان الرحيم .

    أولا أود من القارئ الواعـي التمعن في ما سأقوله لأنه يهمنآ كشعب يطبق واجباته و لا ينآل حقوقـه .

    أمـآ بعد ، أظـن معظمنا يشـآهد هذا المسلسل المميز الذي يسرد لنا عدة وقائـع ، حقيقة لمآ أشاهده أظـن أن المخرج جزائري

    و حتى الممثلين جزائريــين ، حيث لو تمعنا في القصة و السيناريو سنجد نفسهـآ تدور في الجزائـر ، فمثـلآ الإسكـندر الكبير لمـآ سقطت

    مكانته ماذآ قال : " الشعب يتبع كل ما تقوله الصحافة و لهذآ سأقوم بإنشاء الإرهاب حتى يعم الفـسآد و أطلب من الصحافة أن تدفع الشعب

    للمطالبة بإسكندر الكبير رئيسآ " حقيقة أن هذه الأمور حدثت ، و الفيس و تلك الأحزاب كلهآ أمور سياسية من اجل الحكم فقط ، حسننآ لن نبتعد

    عن الكرة . أما ما سأقوله يكون عبارة عن حوآر يوضح لنــآ كل شيـئ :

    الجنرال : ألـو ، راني حاب نطلع في الأسعار نتاع المواد الغذائية و بصفحة خاصة " الزيت ، السكر ، القهوة ، العدس ، ... إلخ "

    راك عارف الشعب نتاعنا ماراحش يرضى و يلزملنآ حاجة تلهيه

    المتصل به : راك عارف ياسيدي الجنرال شعبنآ يتبع برك أنت طبع و هو يروح على راسوا .

    الجنرال : قلي ياك شعبنا يعشق الرياضة و خاصة كرة القدم ؟

    المتصل به : نعم سيدي ، ساكنتله في الدم

    الجنرال : شكون أهلنا لكأس العالم من قبل ؟ أو بالأحرى شكون دار معانا إنجازات و السجل نتاعه مليئ بالإنجزات

    المتصل به : كاين واحد الإنسان وسمه رآبح سعدان ، هذآ أهلنا مرة للمونديال و معاه وصلنا للربع النهائي في كأس إفريقيا عام 2004 و مع سطيف

    ربح كأس العرب و عنده إنجازات مع فرق أخرى .

    الجنرال : نقبل تعيط لروراوة و من غدوا ان شاء الله يدرب الفريق و افار تع دراهم راني ندعمكم .

    بعدهآ راكم تعرفوا القصة بعدما جا سعدان حققنآ بزاف إنجازات و الشعب شهر بعد شهر يفرحو يخرج في الطريق يحتفل ... إلخ ، المشكل اسعار

    تع الزيت و جماعته راها غير تطلع و تزيد ... آه 2010 دخل و الكوب ديموند كملت و الشعب بدآ يفيق .

    الجنرال : أواه الشعب بدا يفيق ، يلزم ديروا كاش بروبلام يلهيه

    المتصل به : (كالعادة في الرياضة) ألو ، شروق ، خبر ، هداف ، نهار ، شباك ... يلزم حرب ضد سعدآن و يلزم الشعب يطالب بإستقالته

    جات مباراة الغابون و الشعب راه منقسم نص بنص ( راه لاهي على المعيشة ) ، من بعدهآ جات مباراة تنزانيآ و الشعب معظموا طالب بإستقالة سعدآن

    المشكل مازال لاهي في سعدانو ليكيب ناسيونال و نسى بلي راه في شهر رمضان و نسى بلي العيد راه جاي و الدخلة راها جاية و الشتاء ... إلخ

    الجنرال : ألو ، يلزم ما يفيق بوالو زيدوا هولوهآ

    المتصل به : راح ندبروا الأمور ، ألو روراوة جيبلهم المدرب الي حابينه بعدما طيرنا سعدان بطريقة غير مباشرة ( سعدان حقيقة من نهار أهلنا للكوب ديموند ما ولاش يخدم كيما كان و السياسيون هوما الي يدروا التشكيلة و يفرضوا كلشي لكن خطؤه كان بعدم إستقالته أنذاك )

    الشعب طالب ببنشيخة و المبارة قربت و لكن الشعب عاود بدا يفيق

    الجنرال : واش هو الحل في رأيك ؟

    المتصل به : خطاك يا سيدي الجنرال عندي الحل ، ألو الجرائد ؟ يلا نوضوهآ كونطر المحترفين كامل ... ، القصة الباقية تعرفوها خسرنا أمام إفريقيآ الوسطى

    الشعب بدا يكره المشكل وننتا يفيق من المنام و ما يرجعش يرقد ؟

    هذآ هو أكبر مشكل ، يلزم الشعب كي يفيق ما يعاودش يرقد مهمآ كان السبب ، يلزم المطالبة بالحقوق ، يلزم عدم السكوت

    مثلا مش الشعبي يطالب بحقه فقط ، بل يطالب بحقوق الشعب كامل و يتحدوآ ، مش يديروا مظاهرات و من بعد كي يحقولهم حاجة خفيفة يسكتوا لالا

    يلزم مظاهرات و بزاف حوايج مثلا رخسوا السكر يلزم كلشي يرخس و يلزم حاجة ما تزيد تطلع و إلا نوضوهآ من الجديد ، مثلا الشباب العاطل

    يلزم تضمنولنا خدمة و توقعوا عقد في حالة إقالتي تعوضوني مش تخدمني بالجيلي الحمرا نروح نحفر الأرض و من بعد تفحتوني و ما تخلصونيش

    مثلا الأساتذة و جماعتهم يطالبوآ بحقوق الجميع و ليس حقهم فقط ، مثلا الشعب يقاطع القنوات التلفزيون الجزائري و الجرائد حتى كلشي يتصلح

    حتى يولي عندنا قنوات خاصة و جرائد تتمتع بمصداقية .... المشكل لا حياة لمن تنادي ؟ مدام كل واحد لاهي بحاله و يقول : أنا و بعدي الطوفان

    واش راح ينفع ؟ هالجينيرو هوما الي يستفادوا مادامهم حاكمين كامل القطاعات في الجزائر ، مدام مكانش منافسين ليهم يديروا واش يحبوآ ... مدام

    و مدام و مدام ... حقيقة حنا تعبنا و يلزم ثورة ، في فرونسا راهم طلعوا الأسعار تع الياغورت ناضوا كامل لساركوزي حتى هبط السعر

    يعني يضربوا على الكماليت و حنا الأساسيات و ساكتين عليهآ كي البهاليل نتبعوا في البالون و في اي حاجة تحسب بقرة و شافت رومي ، إن شاء الله

    الشعب بعدما يفيق يطبق ، التطبيق ثم التطبيق ثم التطبيق ثم التطبيق و إلا كلاكم بوبي و إن كان كلانا من زمااااان ؟

    ان شاء الله الرسالة وصلت بمفهوم لكل واحد واعي و يعرف أنو ليه حقوق مدامه إنسان و ربي خلقه

    التطبيق يا إخواني ، و السلام عليكم
    avatar
    Admin
    مدير
    مدير

    السمك عدد المساهمات : 189
    تاريخ التسجيل : 10/07/2010
    العمر : 25
    الموقع : الجلفة *مسعــــــــــــــــــــــــــــــــد*

    رد: اه يا الجزاير يا شعب المسكين

    مُساهمة من طرف Admin في الأربعاء أكتوبر 27, 2010 8:54 pm

    يمكنكا نقل الموضوع لقسم الكوورة



    _______ منتدى متقن زيان عاشور __________




    منتدى متقن زيان عاشور

    ahmed




      الوقت/التاريخ الآن هو الإثنين أكتوبر 23, 2017 8:07 pm